Sumarbústaðarferð

Um síðustu helgi fór ég í hina langþráðu ferð í sumarbústað með Meyjardansinum mínum. Við fórum í rigningu og roki í bústað í Gljúfri sem er milli Selfoss og Hveragerðis. Þetta var afslöppunarferð. Við höfðum það notalegt og dekruðum hver við aðra með nuddi, kremum og naglalakki og framtíðarspám.

     

Tvær fóru í nudd í Heilsuhælinu sem ku vera afar notalegt, en þar sem eg þarf nú að vera samansaumuð Bónusbudda varð ég eftir á meðan þær fóru og lagði mig enda haðfi ég vaknað með þeim eldsnemma um morgunin eftir svefnlausa nótt þar sem bústaðutinn tókst næstum á loft í ótal vindkviðum næturinnar. Þær voru á við meðal jarðskjalfta en sennilega hefur fólk á Suðurlandi ekki fundið fyrir þessu enda ýmsu vant.

Ég varð síðan að slíta mig frá þessu káta fólki til að komast með skautadrenginn minn í bæinn en sá átti að keppa eldsnemma morguninn eftir.  Lentum í ofsaroki og hagléli sem að vetur væri á heimleiðinni.Þegar við svo mættum í Skautahöllina var enginn ís og keppninni frestað þar til seinna þann dag.  En hann stóð sig mjög vel og það er á slíkum stundum móðurhjartað er vel hlýtt og vesen við ofurskautaskutl gleymist á einu vetvangi.

Athugasemdir

[Kristín Dýrfjörð, 28.9.2008 kl. 00:19]