Hvernig eiga feitar konur að haga sér í svefnherberginu?

Fyrir u.þ.b. 20 árum þegar veður var gott keypti ég mér stundum blað til að glugga í á svölunum.  Fannst íslensku tímaritin þunn og leiðinleg og keypti því Cosmopolitan. Í Cosmopolitan í þá daga var tekið á alls konar málefnum, en sérstaklega var hægt að lesa sér til um hvernig ætti að ná sér í mann og halda í hann, hvernig ætti að klæða sig og bera sig að tilað vera sexy, hvernig ætti að verða grannur og halda sér grönnum ,hvernig maður átti að vita hvort hann væri hinn eini sanni, hvernig ætti að sætta sig við sjálfan sig þó maður burðaðist með aukakíló og svo framvegis.

Ég sem var mikill feministi las þetta og óskapaðist svo yfir því verulega hneyksluð hvernig skóðanir kvenna væru mótaðar og lítið gert úr konum á þennan hátt

Einni grein öðrum fremur er mér minnistæð en hún var um það hvernig feitar konur ættu að haga sér í svefnherberginu ef svo ólíklega vildi til að þær næðu sér í bólfélaga. Því miður geymdi ég ekki þessa grein en hef oft vitnað í hana á umliðnum árum. Mun ég nú deila með ykkur þeirri þekkingu sem ég öðlaðist við lestur greinarinnar og gæti hjálpað ótal konum ísvipuðum aðstæðum:

Þegar þú kemst á séns reyndu að sjá svo til að næturstaðurinn sé heima hjá þér, því þá getur þú komið hlutunum þannig fyrir að þeir dragi athyglina frá hinni feitu þér. Þú skalt endilega hafa daufara ljós þín megin í rúminu og sterkara hans megin. Ekki hafa spegla í svefnherberginu, það er ekekrt gaman að horfa á feitar konur. Alls eeki láta hann plata þig til að klæðast sexý nærfötum, því sama hvað hann segir og biður þig þá finnst engum flott að sjá feitar konur í sexý undirfötum. Um morgunin þegar þú vaknar kemstu ekki hjá því að fara fram úr, þó ekki sé nema til að pissa, ef þú hefur ekki verið svo forsjál að hafa slopp til taks við rúmið eða ef þú ert ekki á heimavelli. Skaltu bara vefja um þig sænginni og bakka með þokka fram en ekki láta hann sjá þig nakta undir neinum kringumstæðum. Þegar hann biður þig um að búa til morgunmatin alsber (sem greinilega er vaninn) þá segir þú bara nei. Alveg sama hvað hann biður vel þú skalt segja nei. Nú erum við heima hjá mér og ég ræð. Ég bý ekki til matinn alsber og hana nú.

Fleiri ráð voru gefin sem ég man ekki hver voru því miður en vonandi geta þessi ráð leiðbeint feitum konum í svefnherberginu og gert þær ánægðari með sig.


« Síðasta færsla | Næsta færsla »

Athugasemdir

1 Smámynd: Ingibjörg Margrét

Það hefur greinilega ekki heldur verið reiknað með mikilli "leikgleði" í bólinu ef bæði hafa átt að halda sig í hinni réttu birtu þ.e. hún í rökkrinu en hann í kastljósinu.

Ingibjörg Margrét , 15.8.2008 kl. 16:58

2 Smámynd: Auðun Gíslason

Láttu nú ekki svona!  Feitar eru flottastar!!!

Auðun Gíslason, 15.8.2008 kl. 17:03

3 Smámynd: Bergljót B Guðmundsdóttir

Já en þetta voru skilaboðin sem voru send

Bergljót B Guðmundsdóttir, 15.8.2008 kl. 21:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband